[Unicode]

တရုတ် Dota2 အသင်းတွေမပါဝင်တဲ့ ပထမဆုံး မေဂျာဖြစ်လာနိုင်တဲ့ ESL Los Angeles

 

တရုတ်နိုင်ငံမှာပေါ်ပေါက်ခဲ့တဲ့ ကိုရိုနာဗိုင်းရပ်စ် (COVID-19) ပြဿနာကြောင့် နိုင်ငံရဲ့ နယ်ပယ်အသီးသီးမှာ အခက်အခဲပေါင်းစုံ ကြုံတွေ့နေကြရဆဲပါ။ ယင်းပြဿနာကြောင့် တရုတ် Esports လောကဟာလည်း ရိုက်ခတ်မှုများစွာကြုံတွေ့နေရပြီး ပြိုင်ပွဲကြီးများ ကျင်းပဖို့ အချိန်ရွှေ့ဆိုင်းနေရခြင်း၊ နိုင်ငံတကာ Esports ပြိုင်ပွဲများဆီကို တရုတ်ကစားသမားများသွားရောက်နိုင်ဖို့ ဗီဇာခက်ခဲနေခြင်း စသဖြင့် အဆင်မပြေမှုပေါင်းများစွာ ပေါ်ပေါက်နေပါတယ်။

မကြာသေးမီကတော့ ESL One Los Angeles 2020 Major အတွက် တရုတ် qualifier ပွဲစဉ်များကို ကျင်းပခဲ့ပြီး အမေရိကန်နိုင်ငံ လော့အိန်ဂျလိစ်မြို့ကို သွားရောက်ယှဉ်ပြိုင်ရမယ့် တရုတ်အသင်း ၃ သင်းကို ရွေးချယ်ခဲ့ပါတယ်။ ဒါပေမယ့် လက်ရှိအချိန်မှာ အမေရိကန်ဟာ တရုတ်နိုင်ငံသားများ ဝင်ရောက်ခွင့်ကို တင်းကြပ်တဲ့စည်းမျဉ်းများနဲ့ ကန့်သတ်ထားတာဖြစ်လို့ တရုတ်အသင်းများ ဗီဇာရရှိရေးကိစ္စဟာ ခက်ခဲလျက်ရှိပါတယ်။

MDL: Chengdu Major 2019 ကျင်းပရေးမှာ ဦးဆောင်ခဲ့တဲ့ Mar Media ဟာ လွန်ခဲ့တဲ့ရက်အနည်းငယ်တုန်းက ဒီအကြောင်းနဲ့ပတ်သက်တဲ့ပို့စ်တစ်ခုကို တရုတ်လူမှုကွန်ယက် Weibo ပေါ်မှာ တင်ခဲ့ပါတယ်။ ယင်းပို့စ်မှာတော့ လာမယ့် LA Major ဟာ တရုတ်အသင်းများ ပါဝင်ယှဉ်ပြိုင်နိုင်ခြင်း မရှိတဲ့ ပထမဦးဆုံး Major အဖြစ် Dota 2 သမိုင်းမှာ စာရင်းဝင်သွားနိုင်ကြောင်း ရေးသားထားတာပါ။ ဒါကြောင့် တရုတ်အသင်းများ အမေရိကန်ဗီဇာရရှိရေးဟာ ထင်ထားတာထက်တောင် ခက်ခဲနေနိုင်ကြောင်း အများကသုံးသပ်နေကြပါတယ်။

Charlie Yang with RTZ

Evil Geniuses အသင်းရဲ့ မန်နေဂျာဖြစ်ခဲ့ဖူးပြီး လက်ရှိအချိန် Loaded.GG မှာ Ninja, Shroud စတဲ့ နာမည်ကြီး streamer များနဲ့ အတူတကွအလုပ်လုပ်နေသူ Charlie Yang ရဲ့ အမြင်အရတော့ တရုတ်အသင်းများဟာ LA Major ကို သွားရောက်နိုင်ကြလိမ့်မယ်လို့ ဆိုပါတယ်။ သူ့ရဲ့ အယူအဆအရတော့ ရွေးချယ်ခံထားရတဲ့ တရုတ်အသင်းများဟာ တရုတ်နိုင်ငံကနေ စောစီးစွာထွက်ခွာပြီး အမေရိကန်ဗီဇာရရှိနိုင်မယ့်နိုင်ငံတစ်နိုင်ငံမှာ သွားရောက်စောင့်စားနေကြဖို့ လိုအပ်တယ်လို့ဆိုပါတယ်။

ဒီလိုဆောင်ရွက်ပေမယ့် အမေရိကန်ဗီဇာတစ်ခါမှ မရရှိဖူးသေးတဲ့ ကစားသမားသစ်များအတွက်တော့ ဝင်ရောက်ခွင့်ရရှိဖို့ မလွယ်ကူကြောင်းကိုလည်း ဆိုခဲ့ပါသေးတယ်။ တကယ်လို့သာ တရုတ်အသင်းများ မပါဝင်နိုင်လို့ Major ကို ဝင်ရောက်မယ့်အသင်းအရေအတွက်မပြည့်ခဲ့ရင် Starladder Minor က အသင်းများကိုခေါ်ယူပြီး အစားထိုးဖြည့်ထည့်သွားနိုင်တဲ့အလားအလာရှိကြောင်းကိုလည်း ပြောခဲ့ပါသေးတယ်။

ESL LA Confirmed Teams

Charlie Yang ပြောခဲ့တဲ့အခြေအနေအတိုင်း Dota 2 caster တစ်ဦးဖြစ်သူ V1lat ကလည်း ပြောခဲ့ပြီး သူ့ရဲ့အဆိုအရတော့ LA Major ဝင်ရောက်ခွင့်ကို ရရှိထားတဲ့ တရုတ်အသင်း IG, RNG နဲ့ EHOME တို့ဟာ ဖေဖော်ဝါရီလ ၂၆ ရက်နေ့မတိုင်မီမှာ တရုတ်နိုင်ငံအတွင်းကနေ ထွက်ခွာပြီး အခြားနိုင်ငံတစ်နိုင်ငံမှာ စောင့်စားနေဖို့ လိုအပ်တယ်လို့ ဆိုပါတယ်။ တရုတ်အသင်းများ ၂ ပတ်ကျော် စောင့်ဆိုင်းနေကြရမယ့် ယင်းနိုင်ငံမှာ စခန်းသွင်းလေ့ကျင့်နိုင်ဖို့ လိုအပ်တဲ့အရာများလည်း အပြည့်အစုံအဆင်သင့်ရှိနေဖို့လိုအပ်တဲ့အတွက် ဒီကိစ္စဟာမလွယ်ကူလှကြောင်းကိုလည်း V1lat က ပြောခဲ့ပါသေးတယ်။

TI5 ကို အနိုင်ရရှိခဲ့ဖူးပြီး လက်ရှိမှာ LA Major ကို ဝင်ရောက်ခွင့်ရရှိထားတဲ့ NiP အသင်းရဲ့ ခေါင်းဆောင်ဖြစ်သူ PPD ကတော့ ဒီကိစ္စနဲ့ ပတ်သက်လို့ “ကျွန်တော်တို့အားလုံး ပြဿနာအကြီးအကျယ်တက်ပြီလို့တော့ ထင်ပါတယ်။ တရုတ်အသင်းတွေ Major ကို ဝင်ခွင့်မရလို့ တခြားအသင်းတွေနဲ့ အစားထိုးမယ်ဆိုရင် ဘယ်အသင်းတွေကို ခေါ်ကြမှာလဲ။ Liquid လား၊ Nigma လား၊ မြောက်အမေရိကဒေသက ဇွန်ဘီးတွေလား။ ဘယ်သူတွေကိုပဲခေါ်ခေါ် DPC ကြီးရဲ့ သမာသမတ်ကျ မျှတမှုကတော့ ပျက်ယွင်းသွားမှာ အသေအချာပါပဲ” လို့ ပြောခဲ့ပါတယ်။

ဒါကြောင့် Dota 2 ကစားသမားများရော ပရိသတ်များပါ တရုတ်အသင်းများ LA Major ကို ဝင်ရောက်ခွင့် ရရှိနိုင်ဖို့ မျှော်လင့်နေကြပါတယ်။ ကျန်ရှိနေတဲ့အချိန်ပိုင်းအတွင်းမှာ ကိုရိုနာဗိုင်းရပ်စ်ပြဿနာသာ ပြေလည်သွားခဲ့ရင်လည်း ဒီကိစ္စဟာ ဖြေရှင်းပြီးသားဖြစ်သွားနိုင်ပါတယ်။ မည်သို့ပင်ဖြစ်စေ လာမယ့် မတ်လ ၁၅ ရက်နေ့မှာ စတင်ကျင်းပမယ့် LA Major ကတော့ စိတ်ဝင်စားစရာများနဲ့ ပြည့်နှက်နေခဲ့ပြီပဲ ဖြစ်ပါတော့တယ်။ Esports အကြောင်းအရာများနဲ့ သတင်းများကို Gaming Noodle မှ အမြဲမပြတ် တင်ဆက်ပေးလျက် ရှိပါတယ်။

source: afkgaming


[Zawgyi]

တ႐ုတ္ Dota2 အသင္းေတြမပါဝင္တဲ့ ပထမဆုံး ေမဂ်ာျဖစ္လာႏိုင္တဲ့ ESL Los Angeles

 

တရုတ္ႏိုင္ငံမွာေပၚေပါက္ခဲ့တဲ့ ကိုရိုနာဗိုင္းရပ္စ္ (COVID-19) ျပႆနာေၾကာင့္ ႏိုင္ငံရဲ႕ နယ္ပယ္အသီးသီးမွာ အခက္အခဲေပါင္းစုံ ၾကံဳေတြ႕ေနၾကရဆဲပါ။ ယင္းျပႆနာေၾကာင့္ တရုတ္ Esports ေလာကဟာလည္း ရိုက္ခတ္မႈမ်ားစြာၾကံဳေတြ႕ေနရျပီး ျပိဳင္ပြဲၾကီးမ်ား က်င္းပဖုိ႔ အခ်ိန္ေရႊ႕ဆိုင္းေနရျခင္း၊ ႏိုင္ငံတကာ Esports ျပိဳင္ပြဲမ်ားဆီကို တရုတ္ကစားသမားမ်ားသြားေရာက္ႏိုင္ဖုိ့ ဗီဇာခက္ခဲေနျခင္း စသျဖင့္ အဆင္မေျပမႈေပါင္းမ်ားစြာ ေပၚေပါက္ေနပါတယ္။
မၾကာေသးမီကေတာ့ ESL One Los Angeles 2020 Major အတြက္ တရုတ္ qualifier ပြဲစဥ္မ်ားကို က်င္းပခဲ့ျပီး အေမရိကန္ႏိုင္ငံ ေလာ့အိန္ဂ်လိစ္ျမိဳ႕ကို သြားေရာက္ယွဥ္ျပိဳင္ရမယ့္ တရုတ္အသင္း ၃ သင္းကို ေရြးခ်ယ္ခဲ့ပါတယ္။ ဒါေပမယ့္ လက္ရွိအခ်ိန္မွာ အေမရိကန္ဟာ တရုတ္ႏိုင္ငံသားမ်ား ဝင္ေရာက္ခြင့္ကို တင္းၾကပ္တဲ့စည္းမ်ဥ္းမ်ားနဲ႔ ကန္႔သတ္ထားတာျဖစ္လုိ႔ တရုတ္အသင္းမ်ား ဗီဇာရရွိေရးကိစၥဟာ ခက္ခဲလ်က္ရွိပါတယ္။
MDL: Chengdu Major 2019 က်င္းပေရးမွာ ဦးေဆာင္ခဲ့တဲ့ Mar Media ဟာ လြန္ခဲ့တဲ့ရက္အနည္းငယ္တုန္းက ဒီအေၾကာင္းနဲ႔ပတ္သက္တဲ့ပို႔စ္တစ္ခုကို တရုတ္လူမႈကြန္ယက္ Weibo ေပၚမွာ တင္ခဲ့ပါတယ္။ ယင္းပို႔စ္မွာေတာ့ လာမယ့္ LA Major ဟာ တရုတ္အသင္းမ်ား ပါဝင္ယွဥ္ျပိဳင္ႏိုင္ျခင္း မရွိတဲ့ ပထမဦးဆုံး Major အျဖစ္ Dota 2 သမုိင္းမွာ စာရင္းဝင္သြားႏိုင္ေၾကာင္း ေရးသားထားတာပါ။ ဒါေၾကာင့္ တရုတ္အသင္းမ်ား အေမရိကန္ဗီဇာရရွိေရးဟာ ထင္ထားတာထက္ေတာင္ ခက္ခဲေနႏိုင္ေၾကာင္း အမ်ားကသုံးသပ္ေနၾကပါတယ္။
Charlie Yang with RTZ
Evil Geniuses အသင္းရဲ႕ မန္ေနဂ်ာျဖစ္ခဲ့ဖူးျပီး လက္ရွိအခ်ိန္ Loaded.GG မွာ Ninja, Shroud စတဲ့ နာမည္ၾကီး streamer မ်ားနဲ႔ အတူတကြအလုပ္လုပ္ေနသူ Charlie Yang ရဲ႕ အျမင္အရေတာ့ တရုတ္အသင္းမ်ားဟာ LA Major ကို သြားေရာက္ႏိုင္ၾကလိမ့္မယ္လို႔ ဆိုပါတယ္။ သူ႔ရဲ႕ အယူအဆအရေတာ့ ေရြးခ်ယ္ခံထားရတဲ့ တရုတ္အသင္းမ်ားဟာ တရုတ္ႏိုင္ငံကေန ေစာစီးစြာထြက္ခြာျပီး အေမရိကန္ဗီဇာရရွိႏိုင္မယ့္ႏိုင္ငံတစ္ႏိုင္ငံမွာ သြားေရာက္ေစာင့္စားေနၾကဖုိ႔ လုိအပ္တယ္လို႔ဆိုပါတယ္။
ဒီလိုေဆာင္ရြက္ေပမယ့္ အေမရိကန္ဗီဇာတစ္ခါမွ မရရွိဖူးေသးတဲ့ ကစားသမားသစ္မ်ားအတြက္ေတာ့ ဝင္ေရာက္ခြင့္ရရွိဖုိ႔ မလြယ္ကူေၾကာင္းကိုလည္း ဆိုခဲ့ပါေသးတယ္။ တကယ္လို႔သာ တရုတ္အသင္းမ်ား မပါဝင္ႏိုင္လို႔ Major ကို ဝင္ေရာက္မယ့္အသင္းအေရအတြက္မျပည့္ခဲ့ရင္ Starladder Minor က အသင္းမ်ားကိုေခၚယူျပီး အစားထိုးျဖည့္ထည့္သြားႏိုင္တဲ့အလားအလာရွိေၾကာင္းကိုလည္း ေျပာခဲ့ပါေသးတယ္။
ESL LA Confirmed Teams
Charlie Yang ေျပာခဲ့တဲ့အေျခအေနအတိုင္း Dota 2 caster တစ္ဦးျဖစ္သူ V1lat ကလည္း ေျပာခဲ့ျပီး သူ့ရဲ႕အဆိုအရေတာ့ LA Major ဝင္ေရာက္ခြင့္ကို ရရွိထားတဲ့ တရုတ္အသင္း IG, RNG နဲ႔ EHOME တို႔ဟာ ေဖေဖာ္ဝါရီလ ၂၆ ရက္ေန႔မတိုင္မီမွာ တရုတ္ႏိုင္ငံအတြင္းကေန ထြက္ခြာျပီး အျခားႏိုင္ငံတစ္ႏိုင္ငံမွာ ေစာင့္စားေနဖုိ႔ လိုအပ္တယ္လို႔ ဆိုပါတယ္။ တရုတ္အသင္းမ်ား ၂ ပတ္ေက်ာ္ ေစာင့္ဆိုင္းေနၾကရမယ့္ ယင္းႏိုင္ငံမွာ စခန္းသြင္းေလ့က်င့္ႏိုင္ဖုိ့ လိုအပ္တဲ့အရာမ်ားလည္း အျပည့္အစုံအဆင္သင့္ရွိေနဖုိ႔လိုအပ္တဲ့အတြက္ ဒီကိစၥဟာမလြယ္ကူလွေၾကာင္းကိုလည္း V1lat က ေျပာခဲ့ပါေသးတယ္။
TI5 ကို အႏိုင္ရရွိခဲ့ဖူးျပီး လက္ရွိမွာ LA Major ကို ဝင္ေရာက္ခြင့္ရရွိထားတဲ့ NiP အသင္းရဲ႕ ေခါင္းေဆာင္ျဖစ္သူ PPD ကေတာ့ ဒီကိစၥနဲ႔ ပတ္သက္လို႔ “ကြ်န္ေတာ္တို႔အားလုံး ျပႆနာအၾကီးအက်ယ္တက္ျပီလို႔ေတာ့ ထင္ပါတယ္။ တရုတ္အသင္းေတြ Major ကို ဝင္ခြင့္မရလို႔ တျခားအသင္းေတြနဲ႔ အစားထိုးမယ္ဆိုရင္ ဘယ္အသင္းေတြကို ေခၚၾကမွာလဲ။ Liquid လား၊ Nigma လား၊ ေျမာက္အေမရိကေဒသက ဇြန္ဘီးေတြလား။ ဘယ္သူေတြကိုပဲေခၚေခၚ DPC ၾကီးရဲ႕ သမာသမတ္က် မွ်တမႈကေတာ့ ပ်က္ယြင္းသြားမွာ အေသအခ်ာပါပဲ” လို႔ ေျပာခဲ့ပါတယ္။
ဒါေၾကာင့္ Dota 2 ကစားသမားမ်ားေရာ ပရိသတ္မ်ားပါ တရုတ္အသင္းမ်ား LA Major ကို ဝင္ေရာက္ခြင့္ ရရွိႏိုင္ဖုိ႔ ေမွ်ာ္လင့္ေနၾကပါတယ္။ က်န္ရွိေနတဲ့အခ်ိန္ပိုင္းအတြင္းမွာ ကိုရိုနာဗိုင္းရပ္စ္ျပႆနာသာ ေျပလည္သြားခဲ့ရင္လည္း ဒီကိစၥဟာ ေျဖရွင္းျပီးသားျဖစ္သြားႏိုင္ပါတယ္။ မည္သုိ႔ပင္ျဖစ္ေစ လာမယ့္ မတ္လ ၁၅ ရက္ေန႔မွာ စတင္က်င္းပမယ့္ LA Major ကေတာ့ စိတ္ဝင္စားစရာမ်ားနဲ႔ ျပည့္ႏွက္ေနခဲ့ျပီပဲ ျဖစ္ပါေတာ့တယ္။ Esports အေၾကာင္းအရာမ်ားနဲ႔ သတင္းမ်ားကို Gaming Noodle မွ အျမဲမျပတ္ တင္ဆက္ေပးလ်က္ ရွိပါတယ္။
source: afkgaming