MPT က လက်ရှိတွင် PUBG Mobile Fun Match များ နှင့် Mobile Legends Weekly Community Cup တို့အား ကြီးမှူးကျင်းပပေးလျက်ရှိသည့် Myanmar Esports Club နှင့် ပူးပေါင်း၍ မြန်မာနိုင်ငံ၏ Esports ကဏ္ဍအား ပံ့ပိုးကူညီ

ဆုကြေးငွေ အမေရိကန်ဒေါ်လာ ၁၃,၀၀၀ အပြင် MPT Club Points များနှင့်အတူ MPT သည် လူငယ်ဂိမ်းဝါသနာ ရှင်များအား နိုင်ငံတကာမှ နာမည်ကြီး အနုပညာရှင်များ၊ ထိပ်တန်း Streamer များ၊ ကစားသမားများနှင့် အတူယှဉ်ပြိုင်ကစားနိုင်မည့် အခွင့်အရေးပေးအပ်ခြင်းဖြင့် မြန်မာနိုင်ငံ၏ Esports ကဏ္ဍ အား ပံ့ပိုး။

MPT သုံးစွဲသူများအနေဖြင့် Myanmar Esports Club က ကြီးမှူးကျင်းပသည့် Weekly Community Cup တွင် ပါဝင်ယှဉ်ပြိုင်ပြီး အပတ်စဉ်ဆုကြေးငွေအဖြစ် ဂိမ်းတစ်ခုတွင် စုစုပေါင်းအမေရိကန်ဒေါ်လာ ၁,၅၀၀ ရရှိနိုင်မည် ဖြစ်သည်။

(ရန်ကုန်၊ ၂၀၂၀ ပြည့်နှစ်၊ အောက်တိုဘာလ ၂၁ ရက်) မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သော MPT သည် နာမည်ကြီး Esports ဂိမ်းများဖြစ်သည့် PUBG Mobile နှင့် Mobile Legends Bang Bang (MLBB) တို့အား အခြေခံသည့် ပြိုင်ပွဲများဖြစ်သော PUBG Mobile Fun Matches နှင့် Mobile Legends Weekly Community Cup တို့အား လက်ရှိကြီးမှူး ကျင်းပပေးလျက်ရှိသည့် Myanmar Esports Club နှင့် ပူးပေါင်းကာ မြန်မာနိုင်ငံ၏ Esports အား အင်တိုက်အားတိုက် ပံ့ပိုးကူညီလျက်ရှိကြောင်း သတင်းထုတ်ပြန်ကြေညာလိုက်သည်။ PUBG Mobile Fun Matches တွင် ဆုလက်ဆောင်အဖြစ် စုစုပေါင်း အမေရိကန်ဒေါ်လာ ၁၃,၀၀၀ အပြင် MPT Club Points နှင့် ဆုလက်ဆောင်များကိုပါ ရရှိကံထူးနိုင်မည်ဖြစ်ပြီး အပတ်စဉ်ပြုလုပ်နေသော Weekly Community Cup တွင် အနိုင်ရရှိသူများအား တစ်ပတ်လျှင် စုစုပေါင်း အမေရိကန်ဒေါ်လာ ၁,၅၀၀ အထိ ဆုချီးမြှင့်သွားမည်ဖြစ်သည်။ PUBG Mobile Fun Matches အား အောက်တိုဘာလ ၂၇ ရက်နှင့် ၂၈ ရက်တို့တွင် ကျင်းပပြုလုပ်သွားမည် ဖြစ်ပါသည်။

“MPT အနေနဲ့ MESC နဲ့ပူးပေါင်းပြီး Fun Matches နဲ့ Weekly Community Cup စတဲ့ ပြိုင်ပွဲတွေကနေတစ်ဆင့် မြန်မာနိုင်ငံရဲ့ Esports နဲ့ ဂိမ်းကစားခြင်းကဏ္ဍတွေကို တစ်ဖက်တစ်လှမ်းက ပံ့ပိုးခွင့်ရတဲ့အတွက် အထူးပဲ ဝမ်းသာပီတိဖြစ်ရပါတယ်။ မြန်မာနိုင်ငံမှာ Esports ကို စိတ်ဝင်စားတဲ့လူ များပြားလာတာနဲ့အမျှ ဒီကဏ္ဍက လူငယ်တွေကို ပံ့ပိုးကူညီနိုင်ဖို့အတွက် ကျွန်တော်တို့မှာ တာဝန်ရှိတယ်လို့ ခံယူထားပါတယ်။ ဒီလိုပြိုင်ပွဲတွေကနေတစ်ဆင့် မြန်မာနိုင်ငံကလူငယ် ဂိမ်းကစားသမားတွေကို နိုင်ငံတကာ ဂိမ်းကစားခြင်းအတွေ့အကြုံရရှိအောင် ကူညီပြီး တစ်ပြိုင်နက်တည်း မြန်မာနိုင်ငံရဲ့ Esports ကိုပါ နိုင်ငံတကာအဆင့်ထိ တိုးတက်အောင် ပံ့ပိုးပေးဖို့ ရည်ရွယ်ထားပါတယ်။ နောက်ပြီး MPT ရဲ့ မြန်ဆန်၊ စိတ်ချယုံကြည်ရတဲ့ အကျယ်ပြန့်ဆုံး ကွန်ရက်နဲ့ ဒီပြိုင်ပွဲမှာ ပါဝင်ကစားကြမယ့်သူတွေအတွက် အကောင်းဆုံး ဂိမ်းကစားနည်းအတွေ့အကြုံတွေနဲ့ တစ်သက်တာ အကောင်းဆုံးပြိုင်ပွဲ အတွေ့အကြုံတွေကို ရရှိစေမယ်လို့လည်း ယုံကြည်ပါတယ်။” ဟု MPT-KSGM JO ၏ စီးပွားရေးဌာနကြီး၊ စျေးကွက်ရေးရာဌာနမှ ဒါရိုက်တာ ဖြစ်သူ ဦးခင်မောင်မြင့် က ပြောကြားခဲ့ပါသည်၊၊

လက်ရှိကျင်းပလျက်ရှိသော ပြိုင်ပွဲနှစ်ခုအနက် PUBG Mobile Fun Match ကို ၂၀၂၀ ပြည့်နှစ်၊ အောက်တိုဘာလ ၂၇ ရက်နှင့် ၂၈ ရက်တို့တွင် ကျင်းပသွားမည်ဖြစ်ပြီး MPT သုံးစွဲသူများအနေဖြင့် မြန်မာနိုင်ငံ၏ နာမည်ကြီးအနုပညာရှင်များ၊ Streamer များ၊ ထိပ်တန်းကစားသမားများအပြင် နိုင်ငံတကာမှ နာမည်ကြီး Streamer များ၊ ထိပ်တန်း ကစားသမားများနှင့်အတူ စိတ်လှုပ်ရှားဖွယ်ရာကစားနည်းများဖြင့် ယှဉ်ပြိုင်ကစားခွင့် ရရှိမည်ဖြစ်သည်။ ယခုပြိုင်ပွဲသည် ပုံမှန်ပြုလုပ်နေကျ ပြိုင်ပွဲများနှင့်မတူဘဲ နိုင်ငံတကာ နှင့် ပြည်တွင်းမှ နာမည်ကြီး အနုပညာရှင်များနှင့် ထိပ်တန်းကစားသမားဖြစ်ကြသည့် pindapanda၊ Biancake၊ ယွန်းဝတီလွင်မိုး၊ ခင်ဝင့်ဝါ၊ Kelvin Kate၊ Bon Bon၊ AKgoLive၊ TOMLLA၊ Power – Gaming နှင့် အခြားသော ကစားသမားများပါဝင်ယှဉ်ပြိုင်မည် ဖြစ်သည်။ အဆိုပါပြိုင်ပွဲတွင် စုစုပေါင်း ဆုကြေးငွေ အမေရိကန်ဒေါ်လာ ၁၃,၀၀၀ ထိ ရရှိနိုင်မည်ဖြစ်ပြီး MPT Club points များအပြင် အခြားသောဆုလက်ဆောင်များကိုလည်း ကံထူးနိုင်မည် ဖြစ်သည်။ MPT သုံးစွဲသူများနှင့် MLBB ကစားသမားများ အနေဖြင့် အခြားပြိုင်ပွဲဖြစ်သော Weekly Community Cup ပြိုင်ပွဲတွင် ပါဝင်ယှဉ်ပြိုင်နိုင်ပြီး အနိုင်ရရှိသူများသည် အပတ်စဉ်ဆုကြေးငွေအဖြစ် ဂိမ်းတစ်ခုလျှင် အမေရိကန်ဒေါ်လာ ၁,၅၀၀ ရရှိမည် ဖြစ်ပါသည်။

Myanmar Esports Club မှ တာဝန်ရှိသူ ဦးအောင်သူရ အနေဖြင့်လည်း ဤပြိုင်ပွဲများအပေါ် အောက်ပါအတိုင်း မှတ်ချက်ပေးခဲ့သည်။ “ကျွန်တော်တို့အနေနဲ့ ယခုလို ပြိုင်ပွဲတွေကို ပြည်တွင်းက ဂိမ်းဝါသနာရှင်တွေအတွက် မိတ်ဆက်ပေးရတဲ့အပေါ် စိတ်လှုပ်ရှားမိပါတယ်။ ဘာဖြစ်လို့လဲဆိုတော့ ကိုယ်အားကျနှစ်သက်ရတဲ့ နိုင်ငံတကာက နာမည်ကျော် ဂိမ်းကစားသမားတွေနဲ့ အတူယှဉ်ပြိုင်ရမယ့်အပြင် ဆုကြေးတွေပါရရှိမယ်ဆိုတဲ့ ခံစားချက်ကို ကျွန်တော်တို့ကိုယ်တိုင်လည်း သိလို့ပါ။ နောက်ပြီးတော့ မြန်မာနိုင်ငံရဲ့ ဦးဆောင်ဆက်သွယ်ရေး အော်ပရေတာဖြစ်တဲ့ MPT အနေနဲ့လည်း ကျွန်တော်တို့နဲ့ ပူးပေါင်းပြီး မြန်မာနိုင်ငံရဲ့ Esports ကို အင်တိုက်အားတိုက် ပံ့ပိုးကူညီပေးတဲ့အတွက်လည်း အတိုင်းမသိ ဝမ်းသာမိပါတယ်။ ဒီလိုနိုင်ငံတကာအဆင့်မီ ပြိုင်ပွဲတွေကနေတစ်ဆင့် Esports နဲ့ အသက်မွေးဝမ်းကျောင်း ပြုလုပ်သွားမယ့် မြန်မာနိုင်ငံက လူငယ်ကစားသမားဝါသနာရှင်တွေကို အင်တိုက်အားတိုက် မြေတောင်မြှောက်ပေးနိုင်ဖို့နဲ့ နိုင်ငံတကာအဆင့်မီ ဂိမ်းကစားနည်း အတွေ့အကြုံကို ပေးပြီး စိတ်လှုပ်ရှားစရာကောင်းတဲ့ ဆုတွေကို ပေးနိုင်ဖို့ ရည်ရွယ်ပါတယ်။ အားလုံးကို ကံကောင်းပါစေလို့ဆုတောင်းလိုက်ပါတယ်။ ဒီလိုမျိုးစိတ်လှုပ်ရှားစရာကောင်းတဲ့ အစီအစဉ်တွေကို MPT နဲ့ အတူပူးပေါင်းပြီးလုပ်ဆောင်သွားဖို့ကိုလည်း စိတ်လှုပ်ရှားမိပါတယ်။”

မြန်မာနိုင်ငံ၏ Esportsကဏ္ဍ အား ပံ့ပိုးသောအားဖြင့် MPT သည် ဂိမ်းကစားသမားများ အတွက် ၎င်းတို့ကြိုက်နှစ်သက်သည့် ဂိမ်းများကို လျှင်မြန်လှသည့်အမြန်နှုန်း ၊ ထစ်ငေါ့ခြင်းမရှိသည့် ကွန်ရက်နှင့် ကြီးမားလှသည့် စွမ်းဆောင်ရည်ရှိသော MPT ၏ အင်တာနက်ဖြင့် သီးသန့်ရွေးချယ် ကစားနိုင်ရန် PUBG Data Pack နှင့် Facebook, Viber, Mobile Legends များ အကန့်အသတ်မရှိ သုံးနိုင်မည့် Sone Sone Lin Lin Pack (All in One) Package တို့အား မကြာသေးမီက မိတ်ဆက်ခဲ့ပြီး ဖြစ်ပါသည်။ MPT သုံးစွဲသူများအနေဖြင့် MPT ၏ PUBG Data Pack အား ၉၄၅ ကျပ်ဖြင့် ဝယ်ယူပြီး အင်တာနက် ဒေတာ 900 MB အပြင် Lucky PUBG Game Items များကိုလည်း ရက် ၃၀ အတွင်း ရရှိနိုင်မည် ဖြစ်သည်။ MPT ၏ Sone Sone Lin Lin Pack (All in One) တွင် Facebook, Viber, Mobile Legends နှင့် JOOX ဒေတာများကို အကန့်အသတ်မရှိ စိတ်ကြိုက်အသုံးပြုနိုင်သည့်အပြင် အခြားအင်တာနက် အသုံးပြုမှုများ အားလုံးအတွက် တစ်ရက်လျင် ၁၆၈ ကျပ်သာကျသင့်မည့် ဒေတာ 2GB လက်ဆောင် ၊ MPT ဖုန်းအချင်းချင်း အသင့်တော်ဆုံးနှုန်းထား ဖြစ်သည့် ၁ မိနစ်လျှင် ၅ ကျပ်ဖြင့် ဖုန်းခေါ်ဆိုခွင့်နှင့် ရက်ပေါင်း (၃၀) အသုံးပြုနိုင်မည့် ဖုန်းဘေလ် ၁,၀၀၀ ကျပ်လည်းပါရှိပါသည်။ အသေးစိတ်သိရှိလိုပါက MPT ၏ Official Facebook Page ဖြစ်သော https://www.facebook.com/mptofficialpage/ သို့မဟုတ် MPT ၏ Official Website ဖြစ်သည့် www.mpt.com.mm တို့တွင် ဝင်ရောက်ကြည့်ရှုနိုင်သည်။

မြန်မာ့ဆက်သွယ်ရေး လုပ်ငန်းအကြောင်း

MPT သည် မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေးအော်ပရေတာဖြစ်ပြီး၊ နှစ်ပေါင်း ၁၃၀ ကျော် ကြာအောင် ဆက်သွယ်ရေးလုပ်ငန်း ဖွံ့ဖြိုးတိုးတက်မှုတွင် ရှေ့ဆောင်လာခဲ့သူ ဖြစ်ပါသည်။ ကြိုးဖုန်းနှင့် မိုဘိုင်း ဆက်သွယ်ရေးဝန်ဆောင်မှု များအား ပြည်သူများနှင့် စီးပွားရေး လုပ်ငန်းများထံ ဆောင်ရွက်ပေးလျက်ရှိပြီး၊ တစ်နိုင်ငံလုံးသို့ လွှမ်းခြုံထားသည့် အကြီး မားဆုံး 3G ကွန်ရက်ကို ပိုင်ဆိုင်ထားကာ မြန်မာနိုင်ငံ၏ အမြန်ဆုံးနှင့် အဆင့်အမြင့်ဆုံး MIMO 4X4 နည်းပညာ အသုံးပြု ထားသောLTE+ ကွန်ရက်ကိုလည်း ပိုင်ဆိုင် ထားပါသည်။

၂၀၁၄ ဇူလိုင်လတွင် MPT သည် KDDI Summit Global Myanmar (KSGM) နှင့် ပူးပေါင်းဆောင်ရွက်မှု သဘောတူညီချက်အား လက်မှတ်ရေးထိုးခဲ့ပါသည်။ KSGM သည် ဂျပန်နိုင်ငံမှ ပူးပေါင်းဆောင်ရွက်သူများ ဖြစ်ကြသည့် KDDI Corporation (KDDI) နှင့် Sumitomo Corporation (Sumitomo) တို့မှ ပိုင်ဆိုင်ထားခြင်း ဖြစ်ပါသည်။ မြန်မာနိုင်ငံ၏ ဆက်သွယ်ရေးလုပ်ငန်းကဏ္ဍ ဖွံ့ဖြိုးတိုးတက်မှုအား အရှိန်မြှင့်တင်နိုင်ရန်အတွက် MPT အနေဖြင့် KDDI နှင့် Sumitomo တို့ ပူးပေါင်းပြီး ဆယ်နှစ်အတွင်း ဒေါ်လာ ၂ ဘီလျံ ရင်းနှီးမြှုပ်နှံကြရန် ရည်ရွယ်ခဲ့ကြပါသည်။ အဆိုပါဆောင်ရွက်ချက်မှာ မြန်မာနိုင်ငံသမိုင်းတွင် ဂျပန်နိုင်ငံ၏ အကြီးမားဆုံးသော ရင်းနှီးမြှုပ်နှံမှုများထဲမှ တစ်ခု ဖြစ်ခဲ့ပါသည်။

MPT အနေဖြင့် ဝန်ထမ်းပေါင်း ၈ ထောင်ကျော်နှင့်အတူ KSGM နှင့် ပူးပေါင်းပြီး ဆက်သွယ်ရေးကဏ္ဍ ဖွံ့ဖြိုး တိုးတက်မှုအား စဉ်ဆက်မပြတ် အားစိုက်ဆောင်ရွက်နေကာ တာဝန်သိမှုလူမှုအကျိုးပြုလုပ်ငန်း (Corporate Social responsibility) ဆိုင်ရာ တန်ဖိုးများအား လေးစားလိုက်နာလျက် မြန်မာနိုင်ငံအား ရှေ့သို့လှမ်းချီနိုင်စေရန် ဆောင်ရွက် လျက်ရှိပါသည်။ MPT အနေဖြင့် လက်ရှိတွင် သုံးစွဲသူ ၂၆ သန်းကျော်ကို ဝန်ဆောင်မှုပေးလျက်ရှိပါသည်။

အခြားသောအချက်အလက်များနှင့် ပိုမိုတိကျသည့် စည်းမျဉ်းစည်းကမ်းများအတွက် www.mpt.com.mm သို့မဟုတ် www.facebook.com/mptofficialpage များတွင် ဝင်ရောက်ကြည့်ရှုနိုင်ပါသည်။ မြန်မာနိုင်ငံအတွင်းရှိ လူငယ် ဖွံ့ဖြိုးတိုးတက်ရေး အစီအစဉ်များနှင့် ပတ်သက်၍ MPT ၏ လှုပ်ရှားမှုများအား ပိုမိုသိရှိလိုပါက http://mptcsr.foc.lotayamm.com/mptyouth သို့ သွားရောက်ပြီး သတင်းအချက်အလက်များ စုံလင်စွာပါရှိသည့် ကော်ပိုရိတ် ဗီဒီယိုအား အခမဲ့ကြည့်ရှုနိုင်ပါသည်။

Media Contacts

MPT/KSGM Joint Operations
Hay Mann Soe
(+95) 9 423000171
(+95) 9 8630050
[email protected]
[email protected]

MPT, Moving Myanmar Forward